На моўных занятках плённа прайшла акцыя “Чытем вершы пра родную мову”. Прагучалі вершы, якія выразна прадэкламавалі студэнты 226 групы:
- Сцяцэвіч Марыя “Дзе мой край” У. Караткевіча,
- Буртылёва Ангеліна “Васільковая белая Русь” В. Марчанка,
- Канановіч Таццяна “Ты будзеш жыць, радзіма!” М. Танка,
- Задаліна Ульяна “Ты пакліч мяне. Пазаві!” Я. Янішчыц,
- Трафімава Паліна і Кавалёва Ірына “Мая мова” Л. Геніюш,
- Аляксандр Панас “Мова” А. Грачанікава,
- Самуэл Віўдзенка “Дала мне маці гэту мову” А. Пысіна,
- Віктар Патыканый “Роднае слова” Я.Купалы,
- Анастасія Шапарава “Роднае слова”Я. Купалы,
- Васіліса Барадзінская “Беларусам” Я. Коласа,
- Ксенія Дзядзюля “Сон” Н. Гальпяровіча,
- Аляксандр Роліч “Зямля з блакітнымі вачамі” Э. Агняцвет,
- Арцём Чэцвярня “Настальгія” З. Буранка,
- Коршак Марыя “Жураўлі” А. Быкава.
У аўдыторыя панавала паэтычная атмасфера, дзе кожны са студэнтаў падчас чытання вершаў пра родную мову выказваў сваю бязмерную любоў да яе. Дэкан факультэта АФК Машарская Наталля Міхайлаўна з вялікім задавальненнем слухала, як узнёсла і пранікнёна ліліся па-беларуску вершы з вуснаў студэнтаў. Таксама яна адзначыла высокі ўзровень майстэрства дэкламавання вершаваных твораў.
Старшы выкладчык беларускай мовы Каламійцава Вераніка Аляксандраўна падкрэсліла актуальнасць неўміручай думкі П. Панчанкі ў вершы “Родная мова”:
Кажуць, мова мая аджывае
Век свой ціхі: ёй знікнуць пара.
Для мяне яна вечна жывая,
Як раса, як сляза, як зара.
Студэнты факультэта СГіА выступілі з дэкламацыяй патрыятычнай лірыкі Генадзя Бураўкіна, Ніла Гілевіча, Міхася Стральцова, Рыгора Барадуліна, Канстанцыі Буйло. Вершы беларускіх паэтаў дазволілі ўдзельнікам акцыі не толькі лепш зразумець і тым умацаваць повязі з родным, Радзімай, але проста дакрануцца да прыгожага, адчуць мастацтва слова.
