21 лютага 2022 года на кафедры беларускай і рускай моў факультэта аздараўленчай фізічнай культуры БДУФК адбылася літаратурна-музычная гасцёўня «Якая цудоўная родная мова!”, прысвечаная Міжнароднаму дню роднай мовы.
Святочнае мерапрыемства праходзіла ў чытальнай зале навуковай бібліятэкі ўніверсітэта, дзе прайшла цікавая сустрэча з супрацоўнікамі Беларускага дзяржаўнага музея народнай архітэктуры і побыту Янай Патапенка і Палінай Чэпа. Прадстаўнікі музейнай эліты выступілі на тэму “Папулярызацыя традыцыйнай культуры і народных святаў у Беларускім дзяржаўным музеі народнай архітэктуры і побыту”, якую прэзентавалі ў творчым фармаце.
Удзельнікі гасцёўні развучылі і заўзята праспявалі экспромтам песню “У нас сягоння Масленіца”. Шмат станоўчых эмоцый у прысутных выклікалі беларускія народныя гульні “Вароты” і “Журавель”.
Захапіў удзельнікаў свята і навучальны працэс падчас авалодвання элементамі беларускіх народных танцаў, такіх як “Лявоніха” і “Картузэ” з выкарыстаннем разнастайных кампазіцыйных прыёмаў. Цікава было назіраць за грацыяй і прыгажосцю рухаў у дзяўчат, статнасцю і добрай выпраўкай ў юнакоў. Рухі танцораў былі прасякнуты дынамізмам, унутраным эмацыйным напалам і народным духам.
Кафедрай беларускай і рускай моў факультэта аздараўленчай фізічнай культуры БДУФК быў створаны відэафільм, прысвечаны Міжнароднаму дню роднай мовы. Удзельнікі і стваральнікі фільма:
- Беларускі дзяржаўны ўніверсітэт фізічнай культуры, факультэт масавых відаў спорту
Студэнтка 224 групы МВС Коцікава Аляксандра
- Яслі-сад №25 ААТ «Беларуськалій»
Музычны кіраўнік Купрацэвіч Юлія Уладзіміраўна з выхаванцамі
- Сш №6 г. Мінска
Навучэнцы 5”Б” класа
- Фундаментальная бібліятэка БДУ. Сябры клуба аматараў мастацкага слова «КлУмБа»
Студэнты філфака БДУ, сябры клуба Ягор Кудакцін, Вікторыя Жытнік, супрацоўнік ФБ БДУ Крысціна Ніканюк
- Газета «Звязда»
Спецкарэспандэнт Дзядзюля Алена
- Беларускі дзяржаўны музей народнай архітэктуры і побыту, навукова-асветніцкі аддзел
Малодшыя навуковыя супрацаўнікі Яна Патапенка і Паліна Чэпа
- Аграсядзіба «Гаенскія вытокі»
Гаспадыня Селях Наталля Міхайлаўна
- Беларускі дзяржаўны ўніверсітэт культуры і мастацтваў
Кандыдат педагагічных навук, дацэнт, прафесар кафедры культуралогіі і псіхолага-педагагічных навук Глубачэнка Васіль Міхайлавіч
- Мінскае гарадское аддзяленне грамадскага аб’яднання “Саюз пісьменнікаў Беларусі”
Старшыня МГА ГА “Саюз пісьменнікаў Беларусі” Пазнякоў Міхаіл Паўлавіч
- Прыход храма Свяціцеля Мікалая Цудатворцы г. Мінска
Протаіерэй Грамыка Яўген
- Беларускі дзяржаўны ўніверсітэт, кафедра тэарэтычнага і славянскага літаратуразнаўства
Доктар філалагічных навук, прафесар Шамякіна Таццяна Іванаўна
- Беларускі дзяржаўны ўніверсітэт фізічнай культуры, кафедра беларускай і рускай моў факультэта аздараўленчай фізічнай культуры
Старшы выкладчык Каламійцава Вераніка Аляксандраўна.
Супрацоўнікі аддзела абслугоўвання і захоўвання фонда навуковай бібліятэкі БДУФК падрыхтаваў цікавую выставу беларускіх выданняў па спартыўнай тэматыцы.
Дзякуючы мерапрыемству, прысвечанаму Міжнароднаму дню роднай мовы, яго удзельнікі больш глыбока спасціглі беларускую мову і народную культуру, пашырылі кругагляд адносна традыцыйнай культуры і народных святаў, якія дайшлі з глыбіні стагоддзяў і захавалі багацце этнічнай самасвядомасці, высокую духоўнасць і высакароднасць душы нашага народа.
Выкладчыкі і студэнты, а таксама ўсе ўдзельнікі літаратурна-музычнай гасцёўні «Якая цудоўная родная мова!” не толькі пачулі, але і чарговы раз адчулі, наколькі багатая, прыгожая, мілагучная, пявучая і музычная, мудрая і самабытная беларуская мова.
